У адпаведнасці з заканадаўчымі актамі Рэспублікі Беларусь спецыяльны аддзел міліцыі аказвае на дагаворнай аснове ахоўныя паслугі па суправаджэнні тавараў і (або) транспартных сродкаў, ахове грузаў, у тым ліку:
- суправаджэнні транспартных сродкаў, якія перавозяць тавары ў адпаведнасці з мытнай працэдурай мытнага транзіту (мытнае суправаджэнне тавараў і (або) транспартных сродкаў);
- абавязковым суправаджэнні асобнай катэгорыі тавараў (грузаў, маёмасці), што перамяшчаюцца аўтамабільным транспартам (далей – абавязковае суправаджэнне):
2.1. алкагольнай, спіртазмяшчальнай і тытунёвай прадукцыі;
2.2. наркатычных сродкаў і псіхатропных рэчываў;
2.3. зброі і боепрыпасаў;
2.4. каштоўных камянёў і каштоўных металаў;
2.5. небяспечных грузаў і выбуховых рэчываў.
Суправаджэнне тавараў і (або) транспартных сродкаў, ахова грузаў ажыццяўляецца нарадамі суправаджэння спецыяльнага аддзела міліцыі з выкарыстаннем службовага аўтатранспарту аператыўнага прызначэння, г.зн. які мае спецыяльную колераграфічных афарбоўку і светлавую, гукавую сігналізацыю, які, як правіла, рухаецца наперадзе транспартнай калоны.
Па маршруце руху супрацоўнікі нарада суправаджэння забяспечваюць ахову і абарону тавараў і (або) транспартных сродкаў ад здзяйснення крадзяжоў, супрацьпраўных замахаў, а таксама ажыццяўляюць іх вонкавы агляд на прадмет цэласнасці грузавых адсекаў, наяўнасці і цэласнасці пячатак, аднаразовых пламбіровачных матэрыялаў.
Пры выкананні службовых задач па суправаджэнні тавараў і (або) транспартных сродкаў, ахове грузаў супрацоўнікі спецыяльнага аддзела міліцыі аховы маюць права на нашэнне, прымяненне і выкарыстанне зброі, прымяненне фізічнай сілы і спецыяльных сродкаў, а таксама рэалізоўваць іншыя паўнамоцтвы, якія маюць супрацоўнікі органаў унутраных спраў у адпаведнасці з заканадаўствам Рэспублікі Беларусь.
Для заключэння дагавора заказчыку неабходна запоўніць і накіраваць у спецыяльны аддзел міліцыі не пазней за двое сутак да пачатку ажыццяўлення суправаджэння заяўку на суправаджэнне, у якой пазначыць: маркі, колькасць і рэгістрацыйныя знакі транспартных сродкаў; назвы тавараў; маршрут руху транспартных сродкаў; час і дату прыбыцця супрацоўнікаў падраздзялення аховы ў пункт адпраўлення; звесткі аб прадстаўніках заказчыка, якія перадаюць і прымаюць тавары і (або) транспартныя сродкі.
Пры гэтым пунктамі адпраўлення і прызначэння могуць быць як месца знаходжання юрыдычных асоб і фізічных асоб, ІП так і пункты мытнага афармлення, размешчаныя на тэрыторыі рэспублікі альбо на яе межах.
Пасля накіравання заяўкі заказчык пералічвае на разліковы рахунак падраздзялення аховы грашовыя сродкі за замоўленыя паслугі ў памеры 100% перадаплаты. Тарыфы на паслугі па суправаджэнні тавараў і (або) транспартных сродкаў устаноўлены пастановай Савета Міністраў РБ ад 4 ліпеня 2006 г. № 829 “Аб устанаўленні тарыфаў на паслугі па суправаджэнні (мытным суправаджэнні, абавязковым суправаджэнні) тавараў і (або) транспартных сродкаў, што перамяшчаюцца па тэрыторыі рэспублікі аўтамабільным і чыгуначным транспартам” і складаюць 0,5 даляра ЗША па курсе Нацыянальнага банка РБ за 1 кіламетр прабегу з аднаго транспартнага сродку, для якога аказваецца паслуга суправадження.
